Villmark i sentrum

Dette eventet er perfekt for selskapet som jobbar desentralisert, har avdelingar fleire stader eller for dei som berre treng å komme ut av kvardagen og ta ein real fot i bakken. Program og innhald er fleksibelt, med rom for tilpassing etter ønske. Voss har det beste av det meste, og gode gjester er alle dører opne. Velkomen!

Opplev frisk natur, moderne komfort og eventyrlege aktivitetar i perfekt balanse. Det startar med ei tilbakelent og avslappa mottaking på terrassen til Scandic, med grilling, musikk og laus prat mellom gode kollegaer.

Morgonen startar i tipileir ved Vangsvatnet. Med unik og idyllisk plassering like ved Vandrarheimen, med villmark og komfort i akkurat passe porsjonar. Brygging av øl med kveik, hardingfeler og bålkos er sjølvsagt også med. Det er aktivitetar både før og etter lunsj - de startar dagen med lagbyggingsaktiviteten "Meistermøte" og ein sprek aktivitetsmeny etter lunsj.

Med panoramautsikt over heile bygda er Hangurstoppen arena for ein kveld utanom det vanlege. Etter ei mottaking med smaking av Hardangersider, ventar ein festmiddag på det beste av kortreiste smakar. Etter middag får de eit energisk løft med levande musikk, før kvelden deler seg mellom dans og drøs. Etter gildet er over svevar de roleg ned med gondolen. Ein nydeleg frukost ventar neste morgon, før utsjekk og heimreise med toget som stoppar like utanfor døra på hotellet.