Rett til topps

Historiske Fleischers Hotel tek imot dykk ved ankomst tli ein herleg brunsj med lokale råvarer og godt vertskap. Etter innsjekk er det tid for å spenne på seg turstøvlane og oppleve Vossafjella på sitt beste. Ein halvdagstur med fjellguide nydeleg turterreng byr på ein real opptur saman. Turen kan sjølvsagt leggast opp lett og fri, eller by på meir krevjande terreng om de ynskjer det. På ettermiddagen får de fly for dykk sjølve i vindtunnelen der alle får oppleve både utfordring og meistring. Når de har landa etter flyginga ventar litt eigentid på hotellet, før kvelden startar med smaking av hardangersider frå Ulvik der siderprodusentane sjølv presenterer og fortel. Så ventar ein nydeleg middag med lokale råvarer og godt i glaset på Fleischers, med gode kollegaer og underhaldning frå scena, før kvelden sig ut i dei små timar med gode samtalar.

Neste dag startar med ein solid frukost før de samlast til fagleg påfyll og utvikling på den unike garden Store Ringheim. Opplevinga rundast av med ein god og tradisjonsrik lunsj, før de reiser heim inspirerte og fylde av motivasjon og fornya samhald.