EVENT KONSEPT
Strategisk Topptur
Skreddarsydd for strategisamling. God balanse mellom arbeid og opplevingar.
Fokus på riktig spor
Denne turen er retta særskild mot dei som treng å komme vekk frå kvardagen og jobbe fokusert og effektivt. Frå lunsj til lunsj over to dagar går det slag i slag med store naturopplevingar, plenumsmøter, gruppearbeid, god mat og sosiale avbrekk. De bur på dei to mest eksklusive hotella på Voss - Elva Hotel og Store Ringheim, og begge hotella er reservert eksklusivt for dykk gjennom opphaldet
Det starter med felles agenda
De kjem til Voss med toget, og møtast på Store Ringheim for ein heilskapleg og vellaga lunsj. Etterpå startar de arbeidet med å sette agenda for samlinga i fellesskap, og stake ut ein felles kurs. Etter samling transporterast dei som skal bu på Elva Hotel dit, og sjekkar inn. De arbeider i grupper utover ettermiddagen, før de samlast til mottaking og felles middag på Elva om kvelden. Her kan de nyte utsikt, gode samtalar og refleksjonar medan de ser utover Lundarvatnet og elveosen.
Strategisk opptur
Etter ei eksepsjonelt god natts søvn ventar ein bedre frukost på begge hotella. Så er det på tide med eit eventyr der tankane kan få bli med på vandringa. Wild Voss byr på ein strategisk opptur med lunsj i naturen, stor utsikt og medbrakt innsikt. Med gode fjellsko på beina og strategien nederst i sekken, blir det mange anledningar til gode samtalar. På sommartid kan me svinge innom eit fjellvatn for eit friskt bad, og på vinterstid kan turen gå med truger eller ski. Ekspedisjonen tilpassast sjølvsagt etter evne og eventyrlyst, og bli så kort eller lang som de sjølv ynskjer.
Stovebyte
Vel tilbake på hotellet ventar ein god dusj før Store Ringheim diskar opp med eit felles gilde av dei sjeldne. Ei mottaking med smak av Hardanger startar kvelden i utestova med nydeleg utsikt over liene ikring. De får ein meny av mat laga med ekte kjærleik, der kortreiste smakar frå både vill og tam natur er på tallerkenen. De samlast til drøs og gode samtalar på låvebrua med noko godt i glaset og fri flyt av idéar. Når kvelden går mot slutten ventar transporten til Elva, og de kan lada opp med enno ei god natt i frisk vossaluft.
Den siste morgonen samlast de att på Store Ringheim til oppsummering og vedtak for vegen vidare. Ein god og heilherta lunsj runder av opphaldet, før heimturen går på skinner.
Om konseptet
Dette konseptet passar spesielt godt for strategisamlingar i større selskap, all-hands samlingar for mindre bedrifter, stiftingar, offentlege etatar og andre som treng å komme vekk for å halde alle i riktig fokus eit par dagar.
Elva Hotel og Store Ringheim ligg ein 5-minutts køyretur unna kvarandre - og vil du lufta tankane til fots er det både utsikt og innsikt å hente på vegen.
Tilsaman har Elva og Store Ringheim 29 unike hotellrom - og dersom de er gode vener og vil dele rom, så har dei senger til fleire. Opphaldet kan sjølvsagt utvidast til fleire dagar, og timeplanen kan tilpassast etter behov. Elva Hotel og Store Ringheim har ei rekke kvalitetar som verkeleg er i særklasse, og med fleire stovebyte undervegs byr dette programmet på perfekte rammer for ei inspirert, produktiv og opplevingsrik samling.
Dag 1
REISE
Tog til Voss
Lunsj
Transport og LUNSJ på Store Ringheim
PLENUM
Strategisesjon på Store Ringheim
INNSJEKK
Innsjekk på Store Ringheim
Transport og innsjekk på Elva Hotel
GRUPPER
Arbeid i grupper på Store Ringheim og Elva Hotel
FELLES MIDDAG PÅ ELVA
7-retters meny på Elva Hotel
Returtransport til Store Ringheim
Dag 2
FROKOST
Frokostar på Elva Hotel og Store Ringheim
AKTIVITET
Topptur med Wild Voss og lunsj i naturen
EGENTID
Retur til hotella for omkledning
STOVEBYTE: MIDDAG PÅ STORE RINGHEIM
Mottakelse på Store Ringheim med sidersmaking frå Ulvik i Hardanger
Heilhjarta middag på Store Ringheim
Returtransport til Elva Hotel
Dag 3
FROKOST
Frokostar på Elva Hotel og Store Ringheim
Utsjekk for dei som bur på Elva
PLENUM
Felles samling og avrunding på Store Ringheim
LUNSJ
Felles lunsj på Store Ringheim
UTSJEKK OG AVREISE
Retur til Voss Stasjon
Retur med tog
Kontakt oss for konseptet!
