Frå bane til bane

Programmet går over to dagar, med ei overnatting. De kjem med toget og går like over perrongen og inn på Fleischers Hotel. Der får de ein god og heilskapleg lunsj etter innsjekk, og er klare for samling. Etter lunsj følger fagleg agenda, og eventuelt parallellsesjonar i grupper om de vil.

Etter innsikt er det på tide med utsikt! Med Voss Gondol løfter de blikket til 818 meter over havet, med full panoramautsikt over bygda og fjelltoppane rundt. På fantastiske Hangurstoppen restaurant blir det festmiddag og underhaldning heile kvelden. Med den spektakulære naturen som bakteppe for festen, får de herlig mat av lokale råvarer og gode dråpar frå både nært og fjernt i glaset. Underhaldninga frå scena kan by på latter, dans eller rein energi - og ein samlande og god stemning brer seg utover dei små timar. Etter eit roleg svev tilbake til sivilisasjonen etter mørket sig på, så ventar ei god seng og frisk vossaluft på Fleischers Hotel.