EVENT KONSEPT
Innsikt med utsikt
Eit event for eventyrleg samhald og naturoppleving
Heile naturen for deg sjølv
Dette sosiale eventet er perfekt for å styrke samhald og felles målforståing. Med eit spekter av naturnære aktivitetar for einkvar type eventyrlyst, god mat av gode og lokale råvarer og eit lite sus av villmark er rammene satt for ei god og samlande oppleving for alle.
Myrkdalen ligg perfekt til for seg sjølv, og er eit eldorado for aktivitets- og naturopplevingar gjennom heile året. Eit meir naturleg utgangspunkt for å samle laget og oppleve spektakulær natur saman skal du leite lenge etter. De overnattar sjølvsagt komfortabelt på Myrkdalen Hotel, og har heile hotellet for dykk sjølve.
Det startar på perrongen
Opplevinga startar allereie på togperrongen, med lunsj på historiske Fleischers Hotel som ligg like ved Voss Stasjon. Her tek godt vertskap imot med nydeleg lokal servering og panoramautsikt over Vangsvatnet og Gråsida. Skuldrene senker seg og praten går lett mellom gode kollegaer, før de reiser vidare med buss til Myrkdalen.
Plenum og opplevingar
Etter innsjekk er det fagleg samling i plenumssalen Storebotn, som rundast av med smaking av ekte vossaøl. Om kvelden ventar eit gilde med vilt og lokalt på tallerkenen. Velkomst med smaking av ekte Hardangersider frå Ulvik, med forteljing og formidling frå produsentane sjølve. Det fantastiske kjøkkenet til Myrkdalen serverer kortreiste smakar på tallerkenen og sydleg sol i glaset, før kvelden renn ut i rytmar og drøs mellom borda ved peisen i Salto bar.
Bygge laget
Neste dag opnar naturen dørene for eit mangfaldig og vilt spekter av opplevingar. Om vinteren er Myrkdalen ein av dei mest snørike dalstrøka i landet. Om våren må bøndene i Myrkdalen faktisk fjerna snøen på jordene sine for at graset skal få gro! Som gjest i Myrkdalen er du difor garantert gode skiforhold til langt ut på våren. Aktivitetsmenyen byr på både ski i- og utanfor løypene, fantastiske toppturar med lokal guide, idylliske fjellskiturar og køyring med hundespann.
Vel gjennomført
Ved ynskje kan det etablerast ein oppvarma tipileir ved hotellet for ei ekstra naturnær oppleving rundt både fagleg samling, lunsj og middag. Leiren kan riggast sommar som vinter for både små og store grupper, og dannar ei magisk ramme for arrangementet med eit sus av villmark og ektefølt fellesskap rundt bålet. Her kan de også få lokal underhaldning, jaktforteljingar og røvarhistoriar eller intimkonsert med favorittartisten.
Kvelden renn umerkeleg på med nok eit gilde, og ei storslagen feiring av vel gjennomført innsats og fornya motivasjon til å ta fatt neste utfordring. De har hotellet for dykk sjølve, og kan la praten gå til dei små timar kjem sigande. Me rundar av opphaldet med ein solid frukost, før retur til Voss med bussar og heimreise med toget.
KORT FORTALT
Dag 1
REISE
Reise til Voss med tog
LUNSJ
Tidleg lunsj på historiske Fleischers Hotel
TRANSPORT
Busstransport til Myrkdalen
INNSJEKK
Innsjekk og omkledning
PLENUM
Felles fagleg agenda i konferansesal Storebotn
BRYGGING MED KVEIK
Smaking av ekte vossaøl i tipileiren
SMAK AV VILLMARK
Middag med vilttema i Restaurant Nuten
KONSERT
Privat konsert i Storebotn
Dag 2
FROKOST
Frokost og utsjekk, Myrkdalen Hotel
Aktivitetsmeny MYRKDALEN
Frikøyring med guide
Hundespannkøyring
Bålkos og villmarksliv
Skidag i Myrkdalen Fjellheisar
LUNSJ
Lunsj på Myrkdalen Hotel
TRANSPORT
Busstransport til Voss Stasjon
Heimreise
Retur frå Voss med toget
Kontakt oss for konseptet!
